ביים טאטן אין וויינגארטן - אידיש

זכרונות און איבערלעבענישן דורך מרת ח.פ. קרויס תחי', אנגעפאנגען פאר'ן קריג זייענדיג ביים טאטן אין וויינגארטן, די שווערע איבערלעבענישן ביים קריג, ביז מען האט זוכה געווען ווידער איבערצופלאנצן דעם וויינגארטן אויפ'ן אמעריקאנעם קאנטינענט. * * * יענעם ביטערן טאג, דעם ערשטן טאג פסח תש"ד, ווען די דייטשע מלאכי חבלה האבן אפגעווארט דעם טאטן, אים געבינדן אין קייטן ווי א פארברעכער, און אוועק געפירט - - - דער טומל און גערודער איז געווען שרעקליך, פון איין זייט די עס. עס., און פון די צווייטע זייט די דערשראקענע מאמעס מיט קינדער, וועלכע האבן נישט געוואוסט וואו זיך אהינצוטון, מען האט מיט געוואלד אפגעטיילט די מענער פון די פרויען און קינדער, און אונז געהייסן זיך אויסשטעלן אין א רייע --- א שוידער האט מיך באנומען, דאס הויז איז געווען חרוב, ליידיג פון דאס גאנצע האב און גוטס, די טירן האבן געפעלט, די פענסטער זענען געווען אויסגעשאסן, די גוים ארום האבן אויסגעפלינדערט און באראבעוועט אלעס... 369 pages. Age: 13+. 20 Chapters.